Хүрэл хөшөө

Зурмал цэцэгтэй зун                                          Хүрэл хөшөө

Зулзага нь зүлэг ширэлдсэн
Цөөвөр салхинд эрхлэх
Цогших хүрэл хөшөө
Мөргөх тэнгэрийн сүмд
Мөшгөх сүүдрээ таньсан
Мөргөлчин хөвгүүнээр
Мартагдсан он жилийн дарааллаас
Манантай хуудсаа сөхүүлэн
Гэрлээр хуурах оддыг
Гэрийнхээ туурьд  хөглөрүүлсэн
Зоримог  залуу насруугаа
Зогсоо энэ л өдрүүдээ
Зүүдээрээ зөөхөөр зэхэвч
Цагаан зам татуулан
Өвс чулуу чирсэн
Цамнах хүрэл хөшөөний
Цутгамал царайг зэврүүлж
Болор үдшийн болзоонд
Бодолоо таалцах амрагууд
Бурхан өдрүүдийн урсгалд
Богших сэтгэлээ хоничлон хариулахад
Хөшүүн хүрэл хөшөө
Хөлийнхөө мөрийг эрнэ